Monday, October 29, 2012

खाऊ किंवा गिळू!

बुफेतील या अन्नासंगे
युद्ध आमुचे सुरु
खाऊ किंवा गिळू!

सलाड, चटणी अन् कोशिंबीर
पापड व्यापी जागा भरपूर
रोटी-पुरीच्या जागेसाठी
यांना आधी गिळू !
                        खाऊ किंवा गिळू!


नाना भाज्या, दोनच वाट्या
पुरी, पोळी नि रुमाली रोट्या
अवजड थाळी, एकच हाती;
कशी काय मी धरू?
                        खाऊ किंवा गिळू!

विविधतेत ती पहा एकता
सर्व-पदार्थे लगदा होता!
चमच्याने ते गरगट खाता
मजा येत आगळू!!!
                        खाऊ किंवा गिळू!

पाणी! पाणी!! - मिळणे नाही!
भातासाठी फिरुया काही
अजुनि उरले पदार्थ सतरा
असे येतसे कळू!!
                        खाऊ किंवा गिळू!

टिमकी फुगली कितीही भयंकर!
डेझर्ट-वाचून ना गत्यंतर ! (हो! अशा ठिकाणी गोड-धोड म्हणायचीही सोय नसते!)
धक्काबुक्के, गर्दी तरीही
अंती विजयी ठरू!!
                        खाऊ किंवा गिळू!

हुश्श!! संपले युद्ध एकदा
जरा विसावा - टेकू आता !!
बुभुक्षितेच्या फेऱ्या झाल्या
संपूर्ण सु-फळू!!
                        खाऊ किंवा गिळू!


(गदिमा मला क्षमा करा !)

5 comments:

  1. Are, mumbaitla maza 1 mitra mala mhanat hota parvach...."When r u getting married?Yet I didn't have a chance to eat proper Maharashtriyan Meal Course in Maharashtriyan style."
    ;) :D :D

    ReplyDelete
  2. हा हा हा हा . एक नंबर. बु - फे ची फोड आवडली. मानाचा मुजरा

    ReplyDelete
  3. Good one Mak!! I still like the buffet better though :)

    ReplyDelete
  4. "बु फे" ची कल्पना माझी नाही. माझा एक मित्र अमित अभ्यंकरने मला सांगितलं होतं!

    ReplyDelete