Wednesday, September 28, 2016

विक्रम

पेटले कुठेसे पाणी 
त्यासाठी जळते मत्ता |
एन्-नम्मा मोडून भांडून 
जन संगती त्यावर सत्ता 👿 ||

पेटल्या कुठेशा जाती 
जन लाख लाख एकत्र 
आग्रही शांत वा तप्त 
हे आरक्षणार्थ सत्र ☹️!!

कुणी यादव तो नाराज 
खो खो खुर्चीचा चाले 
कुणी खुनी मोकळा होई 
कायदा कुणाला तोले?  😱

धास्ती सीमेपलीकडची
वित्त-प्राण-संयम नेई 💀
अश्रूंच्या लाटेमधुनी 
प्रतिशोध धुमसता राही 😠

चहूबाजू हा डोंगर तो 
संकटेच भरूनी येती 
परी जन ना थांबत तेथे 
प्रज्ञास्थित पुढेच जाती 🌝 

ऐशाच अनोख्या देशी 
घनगगनालाही गवसणी 
ग्रह अंतराळी भरारे 
नवविक्रम दावी तुफानी !!
💫

(photo taken from: google images)

(एन्-नम्मा - माझे माझे )

कविताशैलीचे प्रेरणास्थान :P :D  - प्रसाद साळवी