Wednesday, October 29, 2008

शाळेमधल्या बाल जीवनी
उचलली मी प्रथम लेखणी ||
कथा काव्य नाटके नि गाणी
रेखांकन चित्रांकन आणि;
कला आवडे मजला सुंदर
शास्त्रदेशी जरि बहुधा वावर

आश्चर्याने पहा समोरी
निर्मात्याची आविष्करणे;
सुंदर पुष्पांनाही दिधले
केवळ एक दिनाचे जगणे

मनुष्य मात्राचीही बुद्धी
आश्चर्याचे अमोल लेणे;
शास्त्राद्वारे ग्रहताऱ्यांना
देखील पादाक्रांती करणे

विश्लेषित या आश्चर्याला
सुचते जे जे मजला अक्षर;
ते ते वाचू शकता येथे
निमंत्रण तुम्हा देतो सत्वर

किंचित थांबा येथे वाचून
"comments" टाका थोडे चिंतून;
माझे म्हणणे नाही अंतिम
आहे मी हे नित्य ओळखून

दीपावलीच्या सुमुहूर्तावर
मी आलो या blog-जगावर;
शुभ‍इच्छा स्वीकारा माझ्या
लोभ असू द्या मकरंदावर

5 comments:

  1. Hi,

    WELCOME TO BLOG-SPHERE!!!!!!

    (khara tar comment tuzya shailit takanyacha/so-called (<--he visheshan mazyaasaathi) kavya-nirmiticha "prayatna" karanaar hoto, pan sadhya vel milel ase disat nahi)

    Chhan lihila ahes pahilach post! avadhut gupte chya bhaashet :P (openingla yeun direct 6, todlas gadya etc.)

    So, thodkyaat kaay tar, mazya maage laganyacha fayda zala tar... are... fayda mhanje tula nave, blogvishwaala!!!! :)

    "shrimadhukti" naav matra "stri-mukti" chya 'angaane' ;) jaanaara vatata! :P

    ReplyDelete
  2. उत्तम! लिहीत रहा. वाचायला आवडेल.

    ReplyDelete